ياسمين الشام

منتدى ... ثقافي ... اجتماعي ... ترفيهي
 
الرئيسيةالبوابةمكتبة الصورالتسجيلدخول

شاطر | 
 

 كردو وعربو يبتهلان

اذهب الى الأسفل 
كاتب الموضوعرسالة
jan
عضو مبدع
عضو مبدع
avatar

ذكر
عدد الرسائل : 17
العمر : 32
العمل/الترفيه : طالب
المزاج : مروق وعصبي
تاريخ التسجيل : 17/08/2008

مُساهمةموضوع: كردو وعربو يبتهلان   الخميس أغسطس 21, 2008 4:26 pm

وقف كردو وعربو على قمة جبل قاسيون ليلة رأس السنة الساعة 12 بالتمام والكمال والدقائق والثواني، وابتهلا إلى رب العالمين على اعتبار أن الابتهال لغير الله مذلة، وذلك بمناسبة وقوفهما على أعلى ذروة من ذرى عام 2007 الله يرحمه تعيشوا وتترحموا على السنوات اللي مرت، وكان ابتهالهما رومانسياً إلى حد ما، إلا أنهما ابتهلا:
عربو: اللهم حسِّن أحوالنا وطمئن بالنا على عيالنا وأحفادنا من بعدنا كي نضع أقدامنا على حافة قبرنا ونحن مبتسمون ولو لمرة واحدة من قلوبنا.
كردو: اللهم ظبِّط أمورنا وزفِّت شوارعنا ورمم حفرنا وأبعد البلدية عن مخالفات بيوتنا والشباب الكويسة عن أبنائنا وبناتنا.
عربو: اللهم يسر أمورنا وسهل علينا أخذ الفيزا على الخليج دبي أبو ظبي قطر مطر ما بتفرق، وظبط لنا كفيلاً هناك فيتأمن عملنا ونجلس كم سنة فندفع البدل ونتجوز بنت الحلال إذا كانت بانتظارنا من الصابرات.
كردو: اللهم دبّر لنا فيزا على السويد، وشي ابن بلد وابن حلال مقيم يبعت لنا دعوة وينزلنا عنده شي كم شهر لحتى ندبر راسنا والإقامة والراتب بطريقنا.
عربو: اللهم فيزا على السويد معه.
كردو : يا عربو ليش عم تتنقل مني؟!.. خلص خليك بالخليج أنت واترك أوروبا إلي.
عربو: روح عالخليج مين ماسكك؟!.. أنت روح وين ما بدك وأنا بروح وين ما بدي.
كردو: اللهم دبر لي شي إقامة ببلد ما وراء البحار بكندا مثلاً بعيداً عن القمح والشعير وانتظار المطر أو الباران بالكردي والمشاكل بعد كل نشرة أخبار ما فيها أخبار بتسر البال ولا نشرة جوية بتبشر بتغير الأحوال.
عربو: اللهم ظبط لنا شي تجارة على خط موسكو أو بلغاريا وباقي الدول الصديقة أيام زمان.
كردو: اللهم لا مانع لدينا أن نشتغل مع عربو على نفس الخط.
عربو: خليك بأوروبا الغربية واترك الشرقية إلنا.. شو بدك تكوِّش على أوروبا كلها؟!.
كردو: اللهم دبر لنا شي غرين كارت بأمريكا وشي وظيفة مرتبة وشي مدارس ببلاش.. مو مشان شي مشان الاولاد يتعلموا.. مو على أساس أنو العلم نورُن!!
عربو: اللهم دبر لنا شي جد من الأجداد خلًّف شي عم من الأعمام بالبرازيل أو الأرجنتين أو فنزويلا وصاروا أغنياء ويبعتوا لنا مشان نتمتع بالحياة وشوفة الأقرباء.
كردو: اللهم دبر لنا قبول باستراليا وتيكيت طيارة روحة بلا رجعة مو مشكلة لأنو غالية بطاقتها كتير.
عربو: هلأ أخدت أستراليا كمان؟!.. يا أخي اترك المناطق الحارة إلي وخليك بالمناطق الباردة.
كردو: وأنت شو عم تعمل بأوروبا الشرقية، على أساس مناطق حارة والناس بالمايوهات مو لابسين سبع كنزات فوق سبع بنطلونات وتحت ترانشكوت وزنه سبع كيلوات.
عربو: سين سؤال كردو آغا.
كردو: جيم جواب عربو بيك.
عربو: هلأ أنت معك باسبور.. يعني جواز سفر؟!
كردو: لأ.. أنا من الصنف الأجنبي بعيد عنك.
عربو: له كان ليش عم تطلب فيز.. فيزا ورا فيزا وعلى كل بلد أصعب من بلد.. وأنت ما معك جواز سفر؟!
كردو: اللهم ابعت لي جواز.
عربو: اللهم ابعت لي سفَر.
* لقمان ديركي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
Admin
Admin
avatar

ذكر
عدد الرسائل : 334
العمر : 29
الموقع : http://oshaksirya.yoo7.com
العمل/الترفيه : مشكلجي
المزاج : رايق كتيييير وسليم
تاريخ التسجيل : 06/05/2008

مُساهمةموضوع: رد: كردو وعربو يبتهلان   الجمعة أغسطس 22, 2008 5:59 pm

والله حلوي...يا اخي اترك عربو وكردو بحالن يا اخي...وخلينا بهمنا ...انا عربو يا رب...ابعتلي فيزا لعندك لاخلص من هاي العيشة لي بتسم البدن يا رب..وهنيك منتفاهم...يا رب امين...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://oshaksirya.yoo7.com
sedra
عضو نشيط
عضو نشيط
avatar

انثى
عدد الرسائل : 152
العمر : 26
العمل/الترفيه : tarfeh
المزاج : ray2
تاريخ التسجيل : 16/08/2008

مُساهمةموضوع: رد: كردو وعربو يبتهلان   السبت أغسطس 23, 2008 1:17 am

يعطيك العافيه يا جان
Sadوشو يا مديرنا ناوي تتركنا وتموت احنا ما بنستغني عنك Crying or Very sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المحارب
مشرف
مشرف
avatar

ذكر
عدد الرسائل : 301
العمر : 29
العمل/الترفيه : كره قدم
المزاج : رايق
الاوسمة :
تاريخ التسجيل : 16/08/2008

مُساهمةموضوع: رد: كردو وعربو يبتهلان   السبت أغسطس 23, 2008 2:36 pm

اي هدول بس بدن يطفشو من البلد Surprised
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كردو وعربو يبتهلان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ياسمين الشام :: صباح ومسا الحب :: هذه هي الحياة...our diary-
انتقل الى: